KRALENDIJK –Ayera  despues di orashon promé ku santu sakrifisio di misa na parokia la Bírgen di Coromoto, tabata muchanan di klas 8a di Skol Amplio Papa Cornes, kendenan a tuma tarea di lektor i algu mas durante e selebrashon Eukaristiko.

Misa tabata kan kan di hende, i loke mas a impreshoná tabata presensia di Sur Virginia i otronan. Aklamashon promé ku evangelio di e djadumingu ta inisiá bisando:”Den e tempu ayá, Hesus a konta su disipelnan un parabola pa siña nan ku mester resa semper, sin nunka deskurashá.”
Pader den predikashi a bisa beibel por guia e hende ora e ta lesa esaki. El a pidi muchanan, pa wak sùrnan presente, entre otro Sur Virginia, kendenan a hasi hopi pa Boneiru. “Nana a traha duru ku ménos material den pasado,i a duna tur esfuerso pa awe situashon ta tòp, i ta bon pa nan. Nunka lubidá momentu ku pasa na rotònde Sùrnan di Roosendaal, loke nan a hasi pa nos,“ pader Alphonsus Baak a menshoná.  El a sigui bisa:”Ami a haña lès serka un di e sùrnan tempu e tabata na Hulanda. Danki pa e sùrnan tur pa nan esfuerso, i danki awe pa Glenda Bernabela,e persona ku ta guia sùrnan i a selebrá huntu ku nos durante Santu Sakrifisio di misa,” entre otro pader Baak a menshoná. E parti animashon tabata den kombinashon ku muchanan di Skol Amplio Papa Cornes.

Share This
error: Content is protected !!