KRALENDIJK – Radio Live 99.9 FM tabatin un kombersashon ku Obispu di Diósesis di Willemstad Luis Antonio Secco, relashoná ku enkuentro di padernan na Boneiru siman tras di lomba.   

E enkuentro tabata fruktífero obispu Secco a bisa. El a menshoná ku gran parti di pader di Diósesis di Willemstad a partisipá na e aktividat. “E aña aki tabata turno pa reuní na Boneiru kaminda tur saserdote di e 6 islanan a sinta huntu. Papa Francisco a pidi nos pa selebrá e luna di òktober spesialmente. ‘Batisá i mandá’ tabata tema di e aktividat. Nos tur komo kristian katóliko mester ta mas aktivo, dinámiko i kontentu pa forma huntu un komunidat bibu,”obispu a menshoná. El a sigui bisa:”Nos a papia entre otro riba tur e selebrashon di tur luna durante aña. Pasku di nasementu, Pasku di resurekshon, Atvènt i kuaresma. A papia di nos hubentut krísis, hende ku ta sufri pa un òf otro motibu, problema di refineria na Kòrsou ku ta bai sera i Hospital nobo ku ta bai habri i mester di sosten di pueblo i iglesia. Nos ke pa katólikonan ta fuerte na skolnan. Papa su mensahe ta bisa; sali i bai tuma kontakto ku hende ta ku di ta miserikordioso i demostr’é hopi amor,obispu a bisa. “Mas di trinta pader i 2 Diakono a reuní durante e dianan ku a pasa. Un gradisimentu di kurason na tur aki na Boneiru ku di un manera òf otro a duna nan aporte pa e konferensia aki por tabata unu eksitoso. Na e komishon organisadó, tur ku a koperá ku spònser den diferente forma ku: material, trabou, akohida, ku aporte finansiero òf di otro un forma, na komishonnan di kada parokia ku a prepará e kaloroso bon bini i akomodashon promé, durante i despues di selebrashon di Santa Eukaristia den nan parokia. Un danki ta bai tambe na parokianan ku a respondé na e yamada pa a bin selebrá Santa Eukaristia na e diferente parokia huntu ku nos padernan di Diósesis di Willemstad. Na medionan di komunikashon ku a duna kobertura spesial na e siman aki un danki ta bai na boso tur. I por último nos bon Dios sigui bendishoná Boneiru pa asina nos tur huntu segun kada un su don, disiplina i forsa por sigui traha den union i komunion na bienestar spiritual, sosial i ekonómiko di nos komunidat Boneriano. Un trabou formidabel, ”obispu a finalisá bisando.

Share This
error: Content is protected !!