KRALENDIJK – Despues ku miembronan di Union Patriótiko Boneriano a sali for di Santu sakrifisio di misa, a kontinuá ku e selebrashon di 50 aña di e partido na It Rains Fishes. Diferente persona tabata presente rònt di pisina, i den un ambiente ameno, diferente persona a dirigí palabra i a sorprendé hende ku presensia i mensahe nan e anochi. Maritsa Silberie a guia e anochi, kaminda a kuminsá ku un momentu di silensio pa tur esnan ku tabata forma parti di partido i no tei mas. Seguidamente a dirigí palabra Ludwig ‘Luti’ Balentin, presidente di direktiva di e partido.
El a menshoná ku awe nan tei pa selebrá. “Mi ta gradisí esnan ku tabat’ei na komienso, momentu a funda partido. Un partido polítiko no ta algu fásil. Hopi a traha i yuda pa nos tin e Boneiru di awe ku no ta kla, sinembargo ta den desaroyo i riba e bon kaminda. Pueblo ta duna mandato i nos komo partido tin ku traha. Ami ta hopi kontentu ku e selebrashon di 50 aña. Reuniendo awe nos ta papia i yega na mas ideanan pa kontinuashon,”entre otro ‘Luti’ a menshoná. Despues a kontinuá ku spich di fundadó di partido bèrdè Rudy ‘Ruman’ Ellis, Ramoncito ‘Monchi’ Booi, i lider aktual di partido sr. Pablo ‘James’ Kroon.

Share This
error: Content is protected !!