KRALENDIJK – Ántes e hendenan na Boneiru tabata biba hopi serka di naturalesa. Nan tabata kome salú. Nan tabata produsí nan mes kuminda i nan tabata kolektá i yag. Banda di esaki tambe, nan tabata tin nan mes sistema tradishonal di kuramentu. Nan tabata bai mondi pa bai buska remedi. E remedinan ku nan tabata usa tabata wòrdu trahá ku yerbanan medisinal. Awendia ainda tin hende ku ta traha remedinan di yerba òf bai mondi pa kolektá i yag pa traha platonan típiko ku bo no ta mira hopi mas.

Djasabra awor 26 di òktober lo bai tin e siguiente edishon di e evento kultural “Nos Zjilea” e biaha aki ku e tema “uso tradishonal di matanan kurativo”. Sra. Engracia “Gacha” Coffie ku ta un di nos grandinan ku a lanta den tempu di kunuku lo duna demonstrashon kon pa prepara un sòpi tradishonal di kadushi. Sopi di kadushi ta un plato Boneriano ku ta hopi saludabel pasobra e ta kontené hopi heru. E ta wòrdu trahá di e kadushi su brasanan mas yòn. Despues di e demonstrashon por purba kon dushi e sòpi di kadushi ta smak.

Sr. George Kultura Thodé lo duna un rekorido chikitu den kua e ta duna demonstrashon di diferente yerbanan medisinal manera entre otro yerba di hole, klasmulatu I diferente otro tipo mas. George a hasi hopi investigashon den naturalesa i foi chikitu ela siña traha remedi serka su grandinan. Tin un dicho ku nos grandinan tabata usa kual ta “ kada malesa tin su remedi” i “kada remedi tin nan temporada”. George lo splika kua yerba por usa pa kura ki tipo di malesa. George Thode a lanta su mes fundashon “Kadimo” a base di su investigashonnan. E meta di e fundashon ta pa sigui pasa konosementu over pa e generashonnan binidero.

Tur esaki mientras ku bo ta gosa di e produktonan fresku i lokal ku Marshe Krioyo ta ofrese. Lo bai tin entre otro djus natural, chukulati di pinda pa desayuno pero tambe kos dushi, arte lokal i hopi mas. Kushina ta habri for di 10’or di mainta ku diferente plato krioyo i grill masha dushi mes. Bin gosa tambe di nos bunita eksposishon tokante e herensia kultural di e bario di Rincon. Tur esaki den un dushi ambiente ku presentashon “Live” di nos artista lokal “Nico” Melaan i e agrupashon “Típiko Klásiko ”.

Ban brasa, selebrá i kompartí nos dushi kultura na ‘Nos Zjilea’ djasabra awor 26 di òktober di 8 ‘or di mainta te ku 2 ‘or di mèrdia na Mangazina di Rei. Pa un programa mas detayá por bishitá e Facebook Fanpage di Mangazina di Rei.


‘GENEESKRACHTIGE PLANTEN, EEN TRADITIE’

KRALENDIJK – De Bonaireanen hebben altijd dicht bij de natuur geleefd. Zij aten gezond, produceerden hun eigen voedsel of leefden van producten uit de natuur of jacht. Daarnaast hadden ze ook hun eigen wijze van het omgaan met ziekte en genezing. Ze gingen naar het bos op zoek naar geneeskrachtige kruiden. Tot op de dag van vandaag zijn er mensen die hun medicijnen maken van geneeskrachtige kruiden of op jacht gaan en typische gerechten maken die niet vaak meer te vinden zijn.

Aankomende zaterdag 26 oktober vindt de volgende editie van het cultuurevenement ‘Nos Zjilea’ plaats op Cultuurpark Mangazina di Rei. Het thema is dit keer ‘Geneeskrachtige planten, een traditie’. Mevrouw Engracia “Gacha” Coffie, een oudere dame die grootgebracht is op het platteland, zal voor het aanwezige publiek een traditionele cactussoep “(sòpi di kadushi)” maken. Deze “(sòpi di kadushi)” is een typische Bonaireaanse delicatesse en bevat ontzettend veel ijzer, daar het gemaakt wordt van de nieuwe scheuten van de kadushi (één van de zuilcactussen op het eiland). Er zal tijdens deze demonstratie ook gelegenheid zijn om de soep te proeven.

Verder zal Dhr. George “Kultura” Thodé een rondleiding geven langs verschillende geneeskrachtige kruiden. George weet erg veel van geneeskrachtige kruiden. Hij heeft deze kennis vergaard doordat hij opgroeide in de natuur en daarnaast veel van zijn ouders en grootouders heeft geleerd. Er is een Bonaireaans gezegde dat vroeger veel gebruikt werd: ”kada malesa tin su remedi” wat zoiets betekent als “voor elke ziekte bestaat er een geneesmiddel”. Tijdens de rondleiding zal George ook vertellen waar deze kruiden voor gebruikt kunnen worden. George Thode heeft een eigen stichting “Kadimo” opgericht, welke als doel heeft onderzoek te verrichten in de natuur en om deze kennis over te dragen op jongeren.

Op Nos Zjilea zullen er ook verschillende marktkraampjes zijn met lokale, verse producten, kunst en lokale gerechten. De keuken gaat om 10 uur ’s morgens open. U kunt gedurende de dag verschillende lokale gerechten proeven. Dit alles in een gezellige sfeer met “live” optredens van de lokale artiest Dhr. Nico Melaan en de folkloristische band ”Tipiko Klasiko”.

We zien u graag aankomende zaterdag 26 oktober op ‘Nos Zjilea’, hét cultureel evenement van Bonaire; vanaf 8 uur ‘s morgens tot 2 uur ‘s middags bij Cultuurpark Mangazina di Rei. Voor meer informatie kunt u de facebook fanpage van Mangazina di Rei bezoeken.

Share This
error: Content is protected !!