KRALENDIJK – Djarason 23 di oktober partido polítiko Union Patriótiko Boneriano a selebrá 50 aña di eksistensia. Anochi tabatin un Santu Sakrifisio di misa pa yama Dios danki pa eksistensia di partido. E selebrashon Eukarístiko tabata na parokia San Bernardo. Diferente persona di prinsipio di e partido kolo bèrdè tabata presente. Pader Vikario Santiago Malagon a afisiá i entre otro el a menshoná den predikashi ku Hesus a bisa ku e hende no sa e dia ku E ta regresá. “Boso no sa e dia ku yu di hende ta bini. Mester ta semper kla pa e yegada. Nos tur tin responsabilidat. Mester keda responsabel i fiel. Hasi bon i stima otro. Kada bes nos hasi bon, nos ta hasi otro kontentu i ta Dios su deseo. Si bo ta fiel na Dios, bo no mester tin miedo,” entre otro pader Santiago a menshoná.


Share This
error: Content is protected !!