KRALENDIJK – Bonaire Lions Club ku un di su metanan pa promové i sostené desaroyo di hubentut, ya pa 3 aña konsekutivo ta spònser un hóben deportista miembro di Bonaire Angels pa por representá Boneiru internashonalmente den deporte di beisbòl. Ta trata di e hóben Gabriel Statie ku tambe lo forma parti di e torneo ‘World comes to the Palm Beaches International Baseball tournament’ di 29 di òktober pa 5 di novèmber benidero. Na e torneo akí lo tin partisipashon di Merka, Hapon, Korea sur , Mèksiko, Tailandia, Panama, Argentina, Colombia, Venezuela i Aruba. Bonaire Lions Club ta deseá hopi éksito na Bonaire Angels.

Riba e foto por mira momentu ku Presidente di Bonaire Lions Club , Edelmira Carolina ta hasi entrega di un chèk komo spònser di Gabriel Statie.

Share This
error: Content is protected !!