KRALENDIJK – Un alegria enorme riba kaya, lokura total ku e aktividat di buskamentu di pampuna 2019. Adulto i mucha chikitu tabata riba kaya pa partisipá na e tradishonal buskamentu di pampuna organisá pa radio Live 99.9 FM. Manera tur aña ta e kaso, tráfiko ta stanka na tur sitio ku Aimed Ayubi, direktor di Radio live 99.9 FM menshoná ku tin un pampuna skondi den e área. Hendenan ta disfrasá tur manera pa aparte di buska pampuna, nan sobresalí. E último pampuna a pone aglomerashon di hende den e área pegá ku Courtyard Marriott i Plaza Resort. E hóben Shaidryon Valerio tabata e persona ku a koba den tera, loke el a konta pa yega na e pampuna bon skondí. Mardugá di djasabra 27 di òktober Raphael Añez di Dabboussi Motors hasi entrega di e premio grandi di 1000 dòler i un laptop HP. Promé bes ku e persona a partisipá ku buskamentu di pampuna i a bai ku e premio máksimo. “Ku Fe den señor bo ta logra tur loke ta bo deseo”, tabata palabranan di Valerio. Ku e aktividat ariba menshona, Radio Live 99.9 FM a demostrá ku e ta e radio number 1 di Boneiru.

Share This
error: Content is protected !!