KRALENDIJK – Un grupo di persona bou di guia di Meligia Trinidat a siña kose tas. Fin di siman tras di lomba despues di 5 siman di práktika, un grupo di persona a siña i kose diferente tas, i a presentá kiko nan a traha. Diferente persona ku a tuma nota di e tasnan, kasi no por a kere loke nan a mira. Invitadonan a menshoná ku ta trata di tas kumprá den tienda. Impreshonante. Durante e momentu ku a presentá e produkto a dirigí palabra Lupe Martis di Fundashon Avanti. Despues di 5 lès di siña kose, esaki ta resultado. Den pasado a hasié pa muchanan i awor tabata turno pa adultonan. E hendenan a keda kontentu kon nan mes a kose nan tas. Si bo tin deseo ku poko esfuerso bo ta logra. Un tremendo trabou di Meligia Trinidat ku a guia e proseso di práktika. E idea ta pa traha tas i despues bende esaki ku lokal i e turista,”Martis a menshoná.
Despues Mariella Marcano a papia, kende ta un di esnan kende a partisipá na e práktika di siña kose. Tremendo loke nos a a hasi, esta kose un tas, dibertiendo i hasi algu nobo. Mi ta impreshoná kon e kreatividat di kolo i tela den kombinashon a keda hopi bunita. Mi ta spera mas di e obranan manera entre otro kosementu di tas, Marcano a menshoná. Seguidamente a dirigí palabra diputado Nina den Heyer, kende na su turno a menshoná ku loke e ta mira a impreshon’é. “Tremendo talento i hopi bunita tas. Kasi mi no por a kere ku ta nos mes hendenan a kose e tasnan, loke tabata hopi bunita ku ta parse algu kumprá den tienda.

E ta den nos kultura di tiki, nos ta hasi hopi. E kosnan aki mester siña nos hóbennan. Ta notabel ku ta solamente e hende di edat haltu ta aktivo i motivá pa e tipo di obra manera esaki. Tremendo trabou di Lupe nos ámtenar ku talento skondí. Mi ta hopi orguyoso di boso tur, diputado den Heyer a finalisá bisando.  





Share This
error: Content is protected !!