KRALENDIJK – Fin di siman tras di lomba Dabboussi Motors ‘Driving Forward With You’, a presentá diferente modèl di outo di e marka nobo Changan. A inisiá e aktividat e anochi kaminda a yama tur persona relatá na e ekipo di S.V. Uruguay riba esenario. Uruguay ta e ekipo di futbòl ku hopi aña di eksistensia ku ta funda for di 1932. Nan a estrená nan unifòrm nobo i Dabboussi Motors ta nan spònser mayó. Sra. Catalina Mercelina, miembro di e ekipo a gradisí Amouddi Dabboussi, Direktor di Dabboussi Motors pa a kontribuí na e tim di futbòl. Despues a spùit poko shampaña riba e unifòrm i e miembronan di e tim.
Dabboussi a gradisí e tim ku e por ta nan spònser i e ta sigur ku e ekipo ta bai hasi un bon trabou den e kampionato di futbòl na Boneiru.”
Despues a kontinuá ku presentashon di e outonan nobo di e marka Changan. Awor na Boneiru pero e idea ta pa pronto krese bai Kòrsou i Aruba, Dabboussi a menshoná. Ta un kompania ku ta traha mas outo i awor Changan ta e outo mas gustá. Diferente parti di mundu ya konosé e marka Changan ku ta un tremendo resultado. For di 17.995 dòler un di e outonan aki ta bira di bo.

Tremendo outo i hopi tabata komentá spesialmente e preis ku ta super bon pa un outo espasioso pa famia. Ta trata di un SUV moderno ku kámara i no ta usa yabi pa start e vehíkulonan. Tur esaki i hopi mas opshon.

Djis despues ku a introdusí e outonan a yama famia di e hóben, kende a gradua i a gana un outo den luna di yüli 2019. Momentu e famia tabata riba esenario e yu ku ta studiando den eksterior a papia pa medio di un video, i a bisa ku e mes ta den eksterior pa studia i ta laga su mayornan disfrutá di e vehíkulo. Tambe el a gradisí Amouddi Dabboussi pa e tremendo gesto. Dabboussi na su turno a menshoná ku e meta pa regalá un hóben ku finalisá skol ku éksito un outo, ta pa stimulá e hóbennan pa hasi tur esfuerso pa mihó resultado na Skol. Tata i mama di e hóben ku a gana e outo a bira e promé hende nan ku a subi karetera nan Boneiru ku un outo marka Changan. Despues a regalá tishùrt i pèchi na e públiko presente i a kòrtá bolo. E invitashon ta pa pasa den kurá di City Shop, atmira e modelo nobo di outo marka Changan i yega na un palabrashon pa bo tambe tin bo outo nobo. Dabboussi Motors tin diferente modèl i preis hopi abou kompará ku otro kompanianan di outo.

Share This
error: Content is protected !!