KRALENDIJK – Pastor Ivan Dario Perez Gomez huntu ku Komishon di Santana di Rincon, kier a rekordá un i tur ku djasabra dia 2 di novèmber 2019, ta dia di tur defuntu.

Pa tal okashon Santana lo ta habri henter siman pa asina tur hende lo por yuda ku limpiesa di e último lugá di sosiegu di nan ser kerí.

Lo bai tin un konteiner disponibel for di djaluna dia 28 oktober 2019, pa deshasi di tur sushi di den santana.

Ta bai un suplika na un i tur ku ta bai hasi nan kèlder i rondó di nan kèlder limpi pa hasi uso di e konteiner aki pa depositá na sushinan aden. Tambe lo bai tin saku nan di sushi kologa na diferente sitio den santana ku por hasi uso di dje pa deposuita sushi aden.

Alabes ta partisipá ku e djasabra atardi aki pa 6:00 or lo tin un Santu Sakrifisio di misa den santana pa tur nos sernan kerí.

Pa intenshon pa misa por akudí serka Dorothy Cicilia, Mientje Pourier i Ada Albertus pa por skirbi nòmber di bo defuntu.

Kòrda ku santana ta un lugá kaminda ku nos tur un dia lo mester bai aden.

Si kada un di nos ku tin nos ser keri aki den, soru pa rondo di nos keldernan ta limpi, outomatikamente nos santana tambe lo ta i lo keda limpi.

P’esei laga nos yuda kontribuí pa tene e santana aki limpi, tantu pa nos mes komo pa nos sernan kerí ku ta sosegá den dje.

Atentamente,

Pastor Ivan i komishon di Santana.

Share This
error: Content is protected !!