KRALENDIJK – Fin di siman tras di lomba a tuma lugá elekshon di e promé ‘Profeshonal pa Hóben di aña’ na Hulanda Karibense. E elekshon tabata organisá pa ‘Konsulta di Direktiva pa Hóben’, pa mustra apresio pa profeshonalnan pa hóben di Hulanda Karibense pa e dedikashon na hubentut ku hopi biaha ta supestimá i ménos iluminá.

miembronan di Konsulta di Direktiva pa hóben a duna un splikashon di e vishon konhunto ’1 famia, 1 plan’ i kiko esaki ta nifiká pa e profeshonal pa hóben i kuido pa hóben den Hulanda Karibense. Nan ta mira bèk riba e pasonan ku a pone kaba pa e fortifikashon di e koperashon mutuo na bienestar di e mucha. Algun miembro di direktiva pa hóben a duna splikashon pa prensa. A papia Silvana Janga-Serfilia, direktor Directie Samenleving en Zorg OLB (Direkshon Sosiedat i Kuido OLB). Entre otro el a menshoná ku ta traha huntu ku Den Haag i el a menshoná ku ta reuní despues di kada 6 siman. Kada organisashon tin nan tarea el a menshoná. Seguidamente a dirigí palabra Curvin George, direktor Kuido pa Hóben i Bienestar di Famia Hulanda Karibense (JGCN). “Nos ta traha duru i hopi bia no ta keda rekonosé pa e trabou. Pa e motibu aki a organisá e aktividat i bin pafó i reuní. Si nos no forma e laso huntu, no por papia di desaroyo. Tin kombersashon ta tumando lugá pa Saba i Sint- Eustatius uni huntu ku nos,” George a menshoná.

Cariela Cariela Rodriquez – Janga di 33 aña di edat a gana e Jeugdprofessional van het Jaar 2019.


Share This
error: Content is protected !!