KRALENDIJK – Un suidadano di bario Nikiboko parti pariba ta pidi koperashon pa e por tende algu di Hubert Victor. Ta trata di Jacinta Dorothea kende a konta ku e tin hopi deseo pa topa òf tende di Victor. El a konta Radio Live 99.9 FM ku na 1960 e tabata biba na e kas kaminda awor ta dòkter di bestia.

Un mucha a bin fakansi for di Kòrsou i el a pasa un temporada den un kas besiña di kaminda ami tabata biba. E tabata den un kas di palu parti pabou di nos,” Dorothea a konta. Na e kas tabata biba Noli Martijn i e mucha yu di Kòrsou a keda sera Martijn un temporada. Despues el a bai Kòrsou i nunka mas mi a tende algu di e persona. 1965 un hende a presentá na porta di nos kas i a bisami ku e ta mama di Victor i e mester a pasa pa kuminda señora. El a konta ku e yu a gaba kon bon el a pasa na Boneiru i Dorothea tabata hasi tur kos pe. Laba paña i kushiná. Mi a apresiá inmensamente e atenshon di e mama,”Dorothea a konta. “Despues di tempu Herique Victor esposo di e señora a manda un karta i a konta ku e esposa a fayesé. E señora tabata bayendo Hulanda i a bira malu den avion i a fayesé i nan a der’é na Libanon. Tambe e hòmber a pidi pa saludá Elsa Vis yu di Cor Vis. Elsa tabata traha kaminda Maurisio tabatin tienda,”Dorothea a konta. “Mi deseo ta pa tende algu di Hubert Victor. Si mi no ta kiboká e tin 70 aña.”  

Share This
error: Content is protected !!