KRALENDIJK – Fundashon Wega di Number Bonaire (FWNB), entrante promé di novèmber 2019 ta bai introdusí prosedura nobo pa kumpra number i paga premio. E kambionan akí ta pa kumpli ku eksigensianan ku Maduro & Curiel’s Bank Bonaire NV, ta imponé pa por sigui hasi negoshi via e banko akí. Ta trata di eksigensianan pa evitá labamentu di plaka i finansiamentu di terorismo.

Fundashon Wega di Number Bonaire (FWNB), e úniko organisashon na Boneiru ku tin pèrmit pa organisá wega di azar legalmente, tin komo meta prinsipal pa duna un kontribushon na komunidat ku e plaka ku esaki generá, pa medio di donashon na organisashonnan riba tereno di deporte, kultura enseñansa i karitativo. Ta trese e loteria riba merkado pa medio di 7 doño dipèrmitku tin 27 punto di benta den diferente bario na Boneiru.

Wega di azar ta trese riesgo grandi kuné pa loke ta trata labamentu di plaka i finansiamentu di terorismo. For di 2012 e islanan BES ta dispone di un lei pa evitá labamentu di plaka i finansiamentu di terorismo, e asina yamá “Wet ter voorkoming van witwassen en financieren van terrorisme BES (Wwft BES). Mirando ku FWNB ta un instansia di wega di azar, e ta kai bou di Wwft BES i e mester kumpli ku obligashonnan mara na e lei aki. Bankonan lokal tambe mester kumpli ku sierto eksigensianan internashonal.

Na komienso di e aña aki e doñonan di pèrmit a risibí un karta di Maduro & Curiel’s Bank Bonaire (MCB) den kua ta anunsiá nan, ku ta bai terminá e relashon bankario ku nan, mirando ku e ríesgo pa labamentu di plaka na e puntonan di benta ta hopi grandi.

Pa por kontinuá ku e relashon bankario ku MCB, banko a eksigí di FWNB tambe pa traha un plan den kua ta indiká kon FWNB ta bai evitá labamentu di plaka na e puntonan di benta. Ta yama esaki un ‘Compliance Program’, un programa di kumplimentu. Si esaki no sosodé FWNB tampoko lo por sigui hasi uso di e servisionan di MCB.

FWNB a laga traha un Compliance Programma.Aki den tin pará kiko FWNB ta bai hasi pa evitá labamentu di plaka na e puntonan di benta. FWNB a base di esaki ta haña su mes obligá di introdusí proseduranan nobo na kua e doñonan di pèrmit,bendedónan i klientenan mester tene nan mes.

Entrante promé di novèmber 2019 na momentu ku un kliente kumpra mas ku 400 dòler na number e bendedóta obligá di pidi e kliente pa identifiká su mes. No ta importá kon e kliente a kumpra number, sea ta riba un òf mas bòn.

No ta permití mas pa splet e suma ku e kliente ke kumpra na un kombinashon di 4, 3 òf 2 sifra riba diferente bòn. Na e puntonan di benta entrante promé di novèmber ta paga premio te ku 1000 dòler. Esaki ta pa evitá ku tin hopi plaka kèsh ta sirkulá na e puntonan di benta. Ta paga premionan ku ta surpasá e montante di 1000 dòler nakantor di FWNB. Ta paga premio pa medio di un chèk òfta depositáe suma riba kuenta di banko di e kliente ganadó. No ta skirbi ‘cheque aan toonder’. Tur kliente ku kobra 1000 dòleròf mas ta haña un prueba kuel a gana number.

FWNB ta konsehá e klientenan ku gana pa laga depositáe plaka di premio riba su kuenta di banko. Asina ta evitá gastunan adishonal ku bankonan ta kobra.

Orario pa kobra premio na FWNB ta djaluna entre 11or di mainta pa 4or di atardi. Di djamars pa djabièrnè 09.30 di mainta pa 4or di Atardi.

FWNB ta pidi tur su klientenan pa tuma bon nota di e kambionan aki. Na tur punto di bentatin foyeto i folder ku ta splika e proseduranan nobo.

Share This
error: Content is protected !!