KRALENDIJK – Fin di siman tras di lomba e konosido komersiante Amouddi Dabboussi di Dabboussi Motors a introdusí e marka di outo Changan na Boneiru. Despues di a presentá diferente modèl di outo, tabata notabel ku tur hende tabata komentá loke nan a mira i tende. “Si ta asina barata e outonan ta, mi ta bai kumpra un serka Amouddi i niun otro kaminda,” tabata komentarionan e anochi. “Semper mi tabatin deseo pa kumpra un pikòp dòbel kabina haltu. Simplemente sèn no ta yega, pasobra un pikòp haltu dòbel kabina ta mas ku 40 mil dòler. “Mi a mira un pikòp marka Changan haltu i bunita pa solamente 23,995 mil dòler. Ami no ta pensa niun ratu,” tabata entre otro kòmbersashonnan ku por a tende e anochi ku a presentá e vehíkulonan di marka Changan. No algun persona na e sitio tabata komentá esaki, sino for di mayoria hende por a tende e mes reakshon kon kontentu  i sorprendí nan a keda despues di a tende kuantu ta kosta e vehíkulonan di marka Changan, barata, bunita i loke ta hopi importante 5 aña di garantia. Riba potrèt e pikòp ku hopi a komentá.     

Share This
error: Content is protected !!