KRALENDIJK – Kampionato di futbòl di nos isla djárason último ku e partido entre Vespo di Rincon i ATC di Tera Kòrá, a bai den historia momentu ku dos ruman direktor tékniko di e dos ekiponan a enfrentá otro.

Ta trata di e dos rumannan, Rudsel Sint Jago (ruman mas grandi) komo DT di ATC i Elvis Sint Jago komo DT di Vespo, di kual e ruman chikitu ku ta Elvis a gana.

Nan dos tabata den kompetensia kontra otro den kampionato di futbòl di nos isla komo DT.

Segun nos ta pa promé bia ku esaki ta sosodé riba nos isla.

Por sierto dos tremendo ruman futbolista ku sèmper a hunga ku otro den mesun tim aki na Boneiru, pero ku awó den e temporada aki, ta kontra otro komo Direktor Tékniko.

Nos ta deseá e rumannan DT aki tur klase di éksito.

Share This
error: Content is protected !!