NKBB TA REKONOSE I FELISITA SR RUDY CROES KU SU AKSHON HEROIKO I HISTORIKO PA DEBOLBE MEDAYA BEK NA REI

Written by on

KRALENDIJK – NKBB ta rekonose i felisita sr Rudy Croes, un lider Arubano respeta, ex-minister di Hustisia, ex-presidente di parlamentu Aruba, ku su desishon I akshon balente I historiko di protesta pa debolbe su kondekorashon royal bek na Rey Willem Alexander. Sr Rudy Croes a vosifera su rason pa ekspresa e akshon di protesta I humiliashon na Rei komo hefe di estado I gobierno Hulandes ta motibu di su desapuntu kresiente durante anjanan pa e agreshon kolonial  kresiente di politikonan Hulandes ku ta nenga di kambia direkshon pa un relashon di respeto mutuo entre tur partnernan den Reino.

Di akuerdo ku Sr Croes loke a pone realisa ku mester tuma un akshon drastiko pa stop e aktitud eskalante kolonial aki ta e aneksashon bergonsozo di Bonaire oi Sint Eustatius na 10-10-10 I esaki kontra di deseo di e pueblonan ku a rechaza esaki. Pero loke a pone disidi ku awo si ta basta ta e resiente arogansia Hulandes I abuso di poder ku e aresto illegal I violashon di derechonan fundamental di libertad di ekspreshon di e aktivista di derechonan humano James Finies riba dia di Bonaire 6 di september 2019 ku a bini ariba e dekapitashon I derokamentu kolonial  di e gobierno demokratiko legitimo di Sint Eustatius dor di gobierno Hulandes na februari 2018.

E akshon heroiko aki di rechazo pa debolbe su medaya royal , por wordu konsidera e humiyashon di mas grandi pa Rei komo hefe di estado  I gobierno Hulandes I mester sirbi komo un atvertensia na e gobierno Hulandes pa stop nan praktika di  intimidashon.

Sr Rudy Croes un Arubano Antiano ku e akshon aki a demonstra mas kompashon pa e pueblo Boneriano su lucha pa libertat I igualdat kontrali na nos mes lidernan Boneriano ku ta keda miedoso.

NKBB a nota ku resientemente e partido UPB ku ta esun prinsipalmente komplise pa bende su mes pueblo Boneriano na 10-10-10, a selebra 50 anja di eksistensia bao di liderazgo di Ramonisto Booi ku ta kontinua ta dikta riba su muchanan  lider  di UPB James Kroon I e lider di MPB Sr Elvis Sjin Asjoe, kual nan tur ta di e mesun  skol I doktrina pro gobernashon-kolonial- Hulandes . E gobierno aki ta lidera pa gezaghebber Rijna, un mensahero no-demokratiko pa e Hulandesnan remplasando e representante di reino su funshon di PR I kual  Sr Rijna a kampanja e mesun rumbo di UPB I ta sostene e aktual status quo. Loke ta  desapunta mas ta ku Ruman Ellis, e lider respeta fundado di UPB, ku a permanese silensioso tokante e akshonan illegal di UPB den transkurso di anjanan, a aparese I kibra su silensio I vosifera, ku e ta orguyoso di UPB, un deklarashon  in-eksplikabel, pasobra UPB lo bai den historia komo e partido ku a debolbe e pueblo Boneriano bek den mannan di gobernashon kolonial Hulandes I sklabitud moderno I apartheid. Sr Ruman Ellis a perde e oportunidat pa publikamente uni su mes ku e pueblo Boneriano su rechazo total di e status illegal aki den e referendum di 18 dezember 2015. I pa e akshon aki e ta bira komplise ku UPB pasobra e la demonstra su loyalidat pa gobernashon kolonial Hulandes dor di no respeta e bos demokratiko, e 66% votonan-No, I di no tuma posishon kontra pa para e agreshon kolonial Hulandes.

NKBB  ta karga e speransa ku Sr Rudy Croes su akshon di protesta pa debolbe su medaya bek na Rei lo sirbi komo ehempel pa otro lidernan Antinao pero espesialmente lo sirbi komo ehempel pa nos lidernan Boneriano ku a risibi similar medayan di honor. Awor nan lo tin oportunidat pa skohe I demonstra ku nan tin e pueblo Boneriano na pechu I sigui sr Croes su ehempel dor di duna nan medaya bek komo muestra di solaridat I protekshon di nan mes pueblo o si nan lo kontinua ta loyal na Rei I e gobierno Hulandes I kontinua ku e rumbo illegal di traishon di nan mes pueblo Boneriano.

Share This

Current track

Title

Artist

error: Content is protected !!