KRALENDIJK – Den Konsulta Sektorial entre e negoshadó di dunadó di trabou di Ministerio di Asuntu Interno i Relashon den Reino (BZK) i e vários sindikatonan, a palabrá riba djaweps 31 di òktober ku e ‘bono’ di fin di aña pa e empleadonan públiko di Rijksdienst Caribisch Nederland (RCN) lo bira un 13º luna (‘13e maand’). Esaki tabata un deseo importante di e sindikatonan.

E logro aki lo konta pa tur trahadó di RCN, esta Rijksdienst Caribisch Nederland. Tantu pa esnan ku ta miembro di e sindikatonan komo esnan ku no ta miembro. Ta spera ku e logro aki por insentivá esnan ku no ta miembro ainda pa afiliá nan mes i demonstrá solidaridat pa ku esnan ku pa años ta paga kontribushon pa asina nan tin un representashon serka dunadó di trabou. Ora abo ku no ta miembro tambe kobra e “dertiende maand” sa ku esaki ta resultado di esfuerso di e lidernan sindikal sostené pa tur esnan ku ta miembro di e sindikatonan. USIBO sa ku tin mas desaroyo na kaminda pa loke ta trata derechonan di trahadónan na RCN, pero tambe pa esnan di OLB i e otro institutonan ku ta “trendvolgers”. Serka esakinan tambe e logro aki lo konta pa tantu miembro komo no miembro.

Share This
error: Content is protected !!