KRALENDIJK – E filósofo ingles Johnn Locke a definí demokrasia komo “gobernashon unánimemente rekonosé pa pueblo” Esaki ta enserá partisipashon i delegashon. Den historia di e 27 kolonianan ingles na Merka e kolonistanan a oponé kontra hisamentu di belasting i a usa e lema “no taxation without representation. Bonaire su relashon ku Hulanda ta meskos. Hulanda ta disidí “without repesentation” Ken, skohé pa pueblo, ta representá Bonaire na Hulanda i Oropa. Na Bonaire e situashon ta parse otro, mirando ku votadónan, kumprá òf no kumprá, a skohe nan representantenan. Den realidat Kolegio Ehekutivo i un parti di Konseho Insular ta hasi i deshasí.E siman aki tin 3 dia di deliberashon den un grupo di 200 persona. 1.4% di esnan ku por a vota, pa pensa i papia tokante e Plan Maestro 2020-2030. No por papia di partisipashon di pueblo. Un grupo grandi ta keda for di e deliberashonnan. Team Masterplan, 2030, ken ta miembro, a notifiká e lider polítiko Suzy Thodé ku e ta lat su inskripshon. Mi konseho na Suzy, bai tòg i laga nan kore ku bo. Den tres dia ta bai konsipiá un vishon kon ta desaroyá Bonaire den 10 aña. E aserkamentu di e konferensia ta Top-Down i sigur den e idiomanan hulandes i ingles, unda ekspertonan ku nan konosementu ta bai bisa kiko tin ku sosodé. E sistema aki ta bieu den e mundu moderno unda konosementu no ta e tereno eksklusivo di ekspertonan. Awendia ta e hende ku ta bai hasi uso di loke sali for di e masterplan ta importante. E hende, ku ta bai eksperensiá loke e konferensia produsí, no ta presente. E efekto di e Masterplan ta 0.0. pa motibu ku pueblo no por duna nifikashon na e plan. Den tur plan e base mester ta, rekonosé e dignidat humano. Pueblo no mester ta opheto di gobièrnu. For di awor mi ta pronostiká ku ta bini un “grupo di guia” (stuurgroep) òf e Team Masterplan 2030 pa e Masterplan ku ta kai bou di gobièrnu. Pues partisipashon na e konferensia ta pa influensiá e partisipante i laga e keda kontentu ku un totolika morto. E grupo di guia no tin ningun klase di delegashon, tur kos ta keda den man di gobièrnu. Mi lema pa e konferensia ta “No execution without participation” Na papiamentu “Nada di ehekushon sin partisipashon”

Arthur Sealy . .

Share This
error: Content is protected !!