KRALENDIJK – Ernst Wesselius di 75 aña di bida, kende no ta un deskonosí na Boneiru a fayesé djabièrnè 1 di Novèmber. E tabata na Colombia debí na situashon di su salú i no a sobrebibí. Un notisia lamentabel ku a yega Boneiru djabièrnè último. Wesselius tabata eks fiskal di ministerio públiko pa hopi aña. El a traha komo abogado representando abogado David Kock di Aruba na Boneiru. Esaki tabata despues ku el a baha ku penshun komo fiskal. E tabata un persona ku ta duna informashon personalmente i a trese un dimenshon nobo den e forma kon atendé ku prensa. E tabata un persona ku tabata biba den e komunidat, komuniká ku prensa i e suidadano. Despues e tabata simplemente disfrutá di su penshun. Di parti di Radio Live 99.9 FM Pas na su restunan i forsa pa famia den e momentunan difísil ku pèrdida di nan ser kerí.

Share This
error: Content is protected !!