KRALENDIJK – 2 di novèmber a selebrá Santu Sakrifisio di misa mei mei di kèldernan, den Santana katóliko na Playa. Esaki ta relashoná ku rekordamentu di defuntunan. Pader vikario Santiago Malagon, pader Alphonsus Baak i Felis Nicolaas lektor akólito, a guia e selebrashon Eukarístiko den e Santana. Hopi hende a asistí na e selebrashon. Pader vikario Santiago den predikashi a menshoná ku e motibu ku nos ta biba. “Nos ta biba traha i hasi hopi kos den bida, bira riku, sinembargo nos tur ta biba pa muri.
Awe nos ta resa pa tur nos defuntunan. Mundu ta un lugá pa nos traha pas ku otro. Resa hopi pa nos defuntunan. Den Señor semper nos ta selebrá bida,” tabata entre otro loke pader vikario Santiago a menshoná. Na final di e selebrashon tur presente a kanta kantika ‘Na porta di su kas’. Kombinashon di potrèt ta ilustrá selebrashon di misa djasabra anochi den santana.

Share This
error: Content is protected !!