KRALENDIJK – Djasabra tras di lomba “Tourism Corporation Bonaire” (TCB) i Departamentu di Salubridat Públiko di Entidat Públiko Boneiru, a uni pa krea “Taste of Bonaire Healthy Edition”. E aktividat manera ta e kustumber a keda organisá den Parke Wilhelmina kaminda tin ambiente di músika di diferente agrupashon musikal. Un kantidat di stènt pa bende kos di kome i bebe saludabel durante e anochi di e aktividat. Tur bia e aktividat di “Taste of Bonaire” tin un tema i e biaha aki tabata “Salubridat”. Algu spesial i diferente ku tabatin djasabra último durante e aktividat di “Taste of Bonaire”, tabata un sekshon di “Zumba”. Guia di e sekshon di Zumba tabata na enkargo di Jursten Trinidad di “Dance And More”. E kombinashon di foto ta duna un bista kon ambiente tabata e anochi den e área di Parke Wilhelmina.  

Share This
error: Content is protected !!