KRALENDIJK – E sindikato di maestronan tambe ta den moveshon. Un di e puntonan ku sigur nan lo duna atenshon na dje ta ku e logro di e konsulta sektorial di “dertiende maand” lo mester konta pa e sektor di enseñansa tambe.

Tambe SIMABO a laga su bos resoná kontra di e prosedura ku a sigui pa loke a keda yamá “VakMavo”. Aki SIMABO ku tur su rason ta para riba partisipashon di tantu maestronan komo mayornan, pero tambe otro stakeholders manera OLB promé ku entrodusí e kambio aki. SIMABO ta eksigí ku ta bin un investigashon riba e nesesidat aki na Boneiru pa un kambio asina. SIMABO ta di opinión ku no ta pasobra ke bai entrodusi e sistema aki na Ulanda sin mas ta plak esaki na Boneiru.

Share This
error: Content is protected !!