KRALENDIJK – Krusada Kaya Monseigneur Nieuwindt, Kaya Kamari i Kaya Maximiliana Rosario ta habri pa outomobilista. E krusada tabata un temporada será i awor e ta kla kompletamente remodela. Pa hopi aña e krusada aki tabata rekerí atenshon. Na diferente okashon vehíkulo tabata pasa di kaya Maximiliana Rosario i subi un di e otro kayanan den bario di Tera Kòrá sin pone atenshon. Awor a pone bòrchi, drecha e krusada di manera ku un vehíkulo ta obligá pa baha velosidat i tuma nota ku el a yega un krusada.

Trabòunan ku a tuma lugá: Kitamentu di asfalt, remplasá e fundeshi, ponementu di asfalt nobo i ehekushon di un krusada elevá di klenku.   

Pues e krusada awor ta trahá ku klenku i tambe a drecha un parti di kaya Kamari ku asfalt nobo. Trabounan a wòrdu hasi pa Bonairiaanse Wegenbouw Maatschappij riba enkargo di Directie Ruimte & Ontwikkeling.

Riba potrèt e situashon di e krusada renobá. 

Share This
error: Content is protected !!