KRALENDIJK – Ku e komunikado aki Fundashon KLAVE ke pone atenshon na algun punto ku ta rekardá e temporada di karnaval 2020 ku nos ta selebra e di 45 edishon di karnaval di Bonaire.

Si bo ta un hóben òf adulto disiplina, aktivo, sosial i ku stima Karnaval ku ta parti di nos Kultura, bo por inskribí pa asina forma parti di e elekshon nan pa ku embahadornan pa nos Marchanan di Karnaval 2020.

Pa elekshon di Reina Infantil edat ta 4 pa 7 aña, Hubenil edat ta 8 pa 12 aña, elekshon Tiner ta 13 pa 17 aña no mag di tin yu, pa elekshon Adulto mester tin 18 aña i por tin yu. Sea bo ta forma parti di un grupo, skol, organisashon òf individual tur por partisipá.

Pa loke ta trata Prins ku Pancho Hubenil ta di 7 pa 13 aña I pa esun mas grandi ta 17 aña bai ariba.

Lastu dia pa inskribi ta diabierne 13 di December 2019 I por haña formulario serka Gwendoline Concepsion naTelefon 700-5083 I via app  770-5083 I naturalmente serka Dalilah Thomas na telefon 7857623 di Fundashon Klave.

E elekshon lo bai tuma luga djasabra 1 di Februari 2020.

Tambe nos ta pidi tur organisashon ku kier pa Fundashon KLAVE reserva un fecha den temporada di karnaval pa kualke aktividat hasi esaki tambe mas pronto ku ta posibel pa nos por pone den nos programa. Pa e programa tentativo subi facebook di KLAVE bo ta wak fechanan ku tin aktividat kaba.

Na di 3 luga nos ke pidi tur tumbero pa kuminsa prepara trempan pa nos tin tumba nan riba nivel. Festival di tumba 2020 lo ta riba fechanan 8 di februari  y 9 di februari 2020.

Nos ta spera ku henter pueblo di Bonaire por kontribui en grande ku nos karnaval 45 pa asina nos por selebra un tremendo karnaval.

Por kuminsa manda e lema di karnaval 2020 na fundashonklave@outlook.com of serka e miembronan di Fundashon Klave.

Pa mas informashon por tuma kontakto ku miembronan di Fundashon Klave of ariba facebook Fundashon Klave.

Share This
error: Content is protected !!