TEMPORADA PASKU DI NASEMENTU TA YEGANDO

0 Comment


KRALENDIJK – Temporada di Pasku di nasementu di Niño Hesus i fin di aña ta den kurpa manera ta bisa. Diferente área i algun kas di famia ya a kuminsá sende lus identifikando temporada di Pasku. Ta notabel entre otro rotòndenan riba kaya Nikiboko Sùit/kaya Internashonal a pone adòrnu i lus na e sitio. Un bunita bista i ambiente esaki ta trese rekordando i anunsiando ku rei di universo ta na kaminda. Kas di famia Pauletta ta un di e sitionan ku último añanan a kuminsá ta krea un bista hopi bunita kombèrtiendo e parti dilanti di e kas na kaya Nikiboko Sùit den un bunita bista. Hopi hende ta pasa i stashoná nan outo pa tuma nota di e arte i saka potrèt tur aña.

Kombinashon di potrèt ta duna un bista di algun sitio dòrná ku lus indikando e temporada di Pasku i fin di aña.   



Share This