KRALENDIJK – Durante siman pasá a tene diferente anochi di informashon relashoná ku siguridat pa habitantenan den bario. Promé anochi tabata na Bèlnèm, despues Sabadeco, Sentro di bario Nikiboko i di Tera Kòrá i último tabata den Antriol na Sentro di Avanti na “Plasa Chiku Goeloe”. For di e Plataforma Insular pa Kontròl di Kriminalidat, polis, hustisia, gobièrnu, organisashonnan komersial i empresarionan, konhuntamente ta atendé ku problemanan di siguridat lokal i regional. Kuantu biaha tin kiebro? Kon fásil esaki ta pa e ladronnan? I kon bo mes por prevení un kiebro den kas? Polis di bario i Sentro pa Prevenshon di Kriminalidat a konta mas tokante esaki durante enkuentro interaktivo den bario pa habitante di bario. Ta trata di un inisiativa di e Plataforma Insular pa Kontròl di Kriminalidat (Eilandelijk Platform Criminaliteitsbeheersing – EPC) en koperashon ku Sentro pa Prevenshon di Kriminalidat i Seguridat (Centrum voor Criminaliteitspreventie en Veiligheid – CCV). A finansiá e proyekto aki ku un kontribushon di Ministerio di Hustisia i Siguridat.

Kombinashon di potrèt ta ilustrá e enkuentro den sala di Sentro di Avanti na Plasa Chiku Goeloe Antriol.

Share This
error: Content is protected !!