KRALENDIJK – Djaluna ultimo Radio Live 99.9 FM a publiká un notisia loke a hala hopi atenshon. Ta trata di e asuntu ku ZVK ta bai disparsé. Relashoná ku e informe, ZVK ta reakshoná i konfirmá lo siguiente;

Aktualmente ZVK i Jeugd en Gezinsvoogdij CN (JGCN) ta forma parti di Direktiva di Asuntunan Internashonal  na e Ministerio VWS (Ministerio di Salubridat Públiko, Bienestar i Deporte) e direktiva ta kubri salubridat na nivel mundial pa e Ministerio.

Entrante 01-01-2020 ZVK i JGCN ta bai bou di un direktiva nobo na e Ministerio di VWS.

Esaki ta e direktiva ZJCN, ku ta para pa Kuido i Hubentut Hulanda Karibense. Esaki ta kubri tur loke tin di aber ku kura i kuido pa komunidat di Boneiru, Saba i Statia.

E kambio ta krea un liña di maneho mas direkto i kòrtiku di loke esaki ta awor.

Ku esaki ta oumentá  efektividat i efikasia di e servisio di ámbos departamento, ku den futuro por bai ta ubiká un edifisio.

E kambio di direktiva na Den Haag no ta trese kambio den  reglanan òf empleadonan di ZVK tampoko JGCN.

Share This
error: Content is protected !!