KRALENDIJK – Djadumingu tras di lomba durante Santu Sakrifisio di misa na parokia La Bírgen di Coromoto a tuma lugá bendishonamentu di miembronan di ‘Mantelzorg’. Esaki relashoná ku dia di ‘Mantelzorg’. Pader Alphonsus Baak den predikashi a menshoná entre otro momentu un hende fayesé, durante entiero ta notabel ku otronan ta bati riba e kaha di e defuntu. Ta hasi esaki den misa i santana. E hende ta bisa: Nos ta topa den Shelu.” Pader Baak a puntra durante predikashi ku ta bèrdat ku nos ta topa den shelu.  “Ta bèrdat ku nos ta topa e spiritu den shelu? Esei ta nos deseo pa mira, entre otro  bo kasa bèk den shelu. Hesus ta bisa: boso lo bira manera angelnan. Na mundu nos ta hopi prekupá ku e kurpa, bai ‘Gym’ i mas. E hende muhé ta para dilanti spil pa hasi nan kara mas bunita posibel. Hende mester ta prekupá pa bai serka señor. Nada otro. Ora hende hasi aña nos ta kanta ‘lang zal ze leven in de gloria’, ku ta nifiká den shelu,”pader entre otro a menshoná. Promé ku kantika final Pader Baak a bendishoná  miembronan di e organisashon ‘Mantelzorg Bonaire’ i esnan kende a kumpli un aña mas di bida. Misa tabata animá pa kor flor di Coromoto.

Share This
error: Content is protected !!