KRALENDIJK – Djaluna mèrdia a tuma lugá e asina yama marshe di estudio, i e tabata spesial pa tur persona ku ke para ketu na nan posibilidatnan den futuro. E aktividat a tuma lugá den e edifisio di Jong Bonaire, kaminda tabatin diferente instansia ku a pone nan mes disponibel pa splika loke nan por ofresé e hóbennan. No solamente hóbennan, sinembargo tabatin oportunidat pa trabou loke kompanianan presente tabata ofresé pa mayornan.

Manera semper e diseño general di e marshe di informashon ta amplio: skolnan pa edukashon di kontinuashon (superior) aki na Boneiru, di otro islanan i tambe doñonan di trabou na Boneiru tabata presente. Pa menshoná algun ehèmpel: IFE, MTS, University of Curaçao i UDC/CDC di Kòrsou, University of Aruba, i e departamentu di MBO na SGB Boneiru. Banda di esaki, doñonan di trabou na Boneiru a duna un presentashon di kua ta e oportunidatnan di trabou riba e isla. Tambe tabata tin un biaha mas, e ‘plenchi di hospitalidat’ ku ta promové trabou den sektor di turismo i Qredits ku a demostrá kon pa buska finansiamentu pa bo propio negoshi.

E tema di e aña akí tabata ‘Entrepreneurship’. Kiko esaki ta nifiká? Rosemarijn de Jong, kordinadó di e evento, ta duna un splikashon: “Nos ke laga hóbennan pensa kiko ‘entrepreneurship’ ta nifiká pa nan. Ta algu pa bo, pa kuminsá bo propio negoshi despues di bo estudio? Un negoshi grandi òf un negoshi chikitu? Pero tambe bo por ta emprendedor, sin kuminsá un negoshi propio. Ta nifiká ku bo ta kurioso: ku bo ta sali en buska di retonan i ku bo ta haña un solushon pa esakinan.”

E evento ta sostené hóbennan di Boneiru den nan eskoho pa un estudio di kontinuashon (superior) òf un profeshon i e ta enfoká riba hóbennan ku ta den e último klasnan di skol sekundario òf edukashon vokashonal intermedio. Durante oranan di mainta tabata tin presentashonnan pa diferente klas di SGB. Esaki pa brinda e hóbennan un chèns pa informá nan mes mas mihó tokante e diferente oportunidatnan. Despues di skol, un gran kantidat di e klasnan mas haltu, a bishitá e marshe di informashon na Jong Bonaire huntu ku nan mèntòr.

E kombinashon di potrèt ta ilustrá parti di e aktividat ku tabata bon bishita djaluna durante oranan mèrdia.

Share This
error: Content is protected !!