KRALENDIJK – Di parti di ABVO, USIBO a risibí e informashon ku tin un preokupashon reinante pa ku e intenshon di gobièrno di Boneiru den kuadro di reorganisashon di e aparato gubernamental ku lo bai un biaha mas na privatisá sierto servisionan di OLB. E maneho aki a keda hibá tambe den pasado i ku a resultá den lantamento di diferente kompanianan di gobièrnio, manera entre otro TELBO, TCB, SELIBON, BIA, BONLAB, WEB, ets. Un maneho asina lo tin konsekuensia pa e trahadónan nan posishon. I ta den e kuadro aki ku USIBO huntu ku ABVO ta planiando un mainta di informashon ku un oradó di órden ku amplio eksperensha i konosemento di e materia aki i spesialmente pa su konsekuensianan. Mas informashon tokante e mainta di informashon aki lo sigui. En todo kaso e intenshon ta pa invitá tur “stakeholders” na e mainta di informashon aki

Share This
error: Content is protected !!