SELIBON N.V. A PRESENTÁ MASHIN GRANDI DI PÈRS NA PRENSA

KRALENDIJK – Djamars mèrdia Selibon N.V., e kompania ku ta atendé ku entre otro shushi riba Boneiru a presentá na prensa un mashin nobo ku ta pèrs shushi.

Ta trata di un mashin ku por prosesá i paketá karton, bleki i plèstik. Promé ku a duna un demostrashon kon e mashin ta funshoná, a dirigí palabra Rudsel Leito direktor di Selibon. El a menshoná ku e kompania ta den proseso di kambio. “E ta kambiando pa den un forma duradero. Hopi kambio ta tumando lugá pa nos por kumpli ku reglanan. Na 2023 solamente 40 porshento di shushi ta keda lèntfel i 60 porshento ta bai pa resiklá,” Leito a menshoná. El a amplia den un splikashon amplio loke ta rekerí e bahamentu di wardamentu di shushi na Lèntfel. Seguidamente a dirigí palabra diputado James Kroon. Diputado na su turno a menshoná ku loke a sosodé ta un paso importante pa Selibon i komunidat. “Poko poko e kompania SELIBON N.V. i gobièrnu di Boneiru i otronan ta kumpli ku e meta. Nos ta traha huntu pa e progreso di e kompania SELIBON. Diputadonan Nina den Heyer, Elvis Tjin Asjoe i Gobièrnu ta kontentu ku e trahadónan. SELIBON N.V. no ta solamente un kompania pa bari kaya, sino hopi mas. Nos ta kontentu e forma ku nan ta traha pa nos isla ta limpi. Aki aya tin hende ta tira sushi iresponsabel, sinembargo poko poko mester stòp esaki kompletu,” diputado a menshoná. Despues a dirigí palabra Ghislaine Monte, TOP Trainee Projectleider ‘Blue Destination’, i a presentá esnan kende ta atendé ku e mashin pa pèrs artefakto.

Riba potrèt entre otro e proseso kon e pèrsmentu ta tuma lugá.

Share This
error: Content is protected !!