KRALENDIJK – Djamars 12 di novèmber tabata otro fecha pa e aktividat ya kustumbrá ku ta karga e nòmber di “Luna Yen”. E aktividat a tuma lugá na kunuku di Ramon “Boy” Martines i tabatin diferente persona kende tabata ku fakansi na Boneiru i a tuma parti na e aktividat. Entre otro hende for di Kòrsou, Hulanda i Sürnam. E aktividat tabata un éksito total. Kunuku di Boy tabata kan kan di hende. Gezaghèber di Boneiru Edison Reina i su mama Jenny tabata presente. Ubaldo Antony a kibra e eis manera na a bisa. E tabata promé persona ku a trese algun poema i despues a kontinuá Ronald “Roy” Colastica di Kòrsou. Poko despues doño di Kunuku a presentá algun kos ku el a lesa for di papel. Tio Ali di Kòrsou kende ta otro persona ku no mester di introdushon tabata presente i a menshoná ku ta promé bes e ta partisipá na un aktividat di Luna Yen. Un alegria tabatin durante anochi, kada presentadó nan manera  ku hopi alegria pa tur presente. Lèter, chukulati pinda i diferente kos pa pasa boka tabatin e anochi. Tur hende a bai kas barika yen i kurason kontentu.

Share This
error: Content is protected !!