KRALENDIJK – Relashoná ku un insidente ku a tuma luga resientemente den e instituto: aki reakshon di parti gerensia di JICN.

Ta un echo ku den un prizòn por tin tenshon entre detenidonan. Den un ‘setting’ será kaminda hende no ta di forma boluntario, emoshon i ekspreshon di esakinan por subi di forma eksesivo. Den JICN ta purba na aktua di e forma mas apropiá posibel dor di supervishon di forma skèrpi di personal entrená pa esaki, dor di ofresé un programa di dia na e detenidonan i e diferente liñanan di ehekushon asosiá na esaki pero tambe ta sòru di separá sierto detenidonan for di otro den e diferente sekshonnan.

Apesar ku a tuma tur e medidanan di prekoushon nesesario  tòg a surgi un eskalashon di un konflikto entre algun detenido. Den un insidente asina ta bai ofèr na un intervenshon.  Personal a aktua direktamente den e kaso aki i segun prosedura. Algun detenido ku tabata testigu di e insidente, riba propio inisiativa a yudansa den e kaso aki.

Share This
error: Content is protected !!