KRALENDIJK – Awe djabièrnè mainta poko despues di 7’or un persona riba motosaikel a aksidentá. Pa motibunan ahinda deskonosí esaki a bai dal den un palu di lus na altura di vèlt di Estrellas na kaminda Gurubu. Momentu ku un reportero di Radio Live 99.9 FM a presentá na e sitio, ambulans a bandoná e lugá di aksidente ku e víktima. E motosiklista tabata biniendo for di Rincon direkshon Playa i pa un òf otro motibu el a pèrdè kontròl i kai mientras e motosaikel a alkansá e palu di lus. E motosiklista a risibi leshonnan na su kurpa mientras e motosaikel a keda totalmente destruí, mirando ku e “frame” a kibra. Bon pa menshoná ku e manehadó di e motosaikel tabatin hèlm na su kabes. E kaso ta bou di investigashon pa haña sa kousa di e aksidente.

Riba potrèt entre otro koleganan di e viktima kendenan a pone motosaikel den baki di pikòp i bai kuné.  

Share This
error: Content is protected !!