KRALENDIJK – Izaak ‘Uz’ Everts ta desapuntá debí ku el a bai traha un sita pa dòkter di wowo i nan a bis’é ku despues di 2 luna e ta bin na remarke pa konsulta ku dòkter di wowo.

Everts“: ”Mi a bishita mi dòkter di kas i el a dirigími pa un òptika i aya a konstatá ku preshon di mi wowo ta hopi haltu. A traha un karta pa bai dòkter di wowo, pa un kontròl mas dirigí i avansá riba e wowo. Aya nan a bisami ku mester warda 2 luna pa un sita. No por pasobra mi sa ku mi situashon ta di atenshon i no por warda 2 luna. E forma aki no ta manera pa atendé ku hende, sigur momentu ta trata di problema ku wowo.

Mi no ke papia hopi òf pone muchu preshon pasobra e ta pone mi kunsumí loke ta mas peligroso pa e wowo. Mi ke ta mas trankil posibel pa nan yudami. Mester tin un posibilidat pa duna sita mas rápido posibel. Tin diferente hende ku e mes un situashon, esta nan mester warda diferente siman pa haña un sita ku dòkter di wowo,”Uz a konta Radio Live 99.9 FM. Tin kos ta bai bon pa loke ta trata kuido médiko na Boneiru, sinembargo tin kos ku mester drecha pa bienestar di nos salu. Mi ta spera esnan konserní tuma nota di e situashon i hasi posibel pa pashèntnan di dòkter di wowo por tin un sita ku un tempu di espera mínimo,”Uz a finalisá bisando.  

Share This
error: Content is protected !!