KRALEDIJK – Djabièrnè 15 di novèmber den un ambiente super ameno e ekipo di futbòl Estrellas U11 a presentá nan unifòrm nobo. Muchanan, kompaña pa mayornan tabata presente na e sitio unda e aktividat a tuma lugá. Un danki ta bai na Tazz Construction B.V. ku ta e orguyoso spònser di e ekipo. Ya e ekipo tin 2 wega tras di lomba di kua 1 ganá i 1 ku nan a kai vensí. E ekipo ta partisipando na e kampionato hubenil di futbòl organisá i ouspisiá pa Komishon Futbòl Hubenil Bonaire. Mester menshoná ku Cado Alberto a keda elegí komo presidente nobo di S.V. Estrellas i ta coach di e ekipo U11. Banda di Cado Alberto tin Germain Alberto, kende ta e coach prinsipal di e ekipo U11.  Zamir Ayubi lo fungi komo bosero di e ekipo. Pa mas informashon medionan di komunikashon por tuma kontakto libremente kuné na: +599 7007723. Tin Hopi kos alegre pendiente di S.V. Estrellas U11.

Share This
error: Content is protected !!