KRALENDIJK – MCB ta organisá dia 20 di novèmber un tayer grátis durante e siman di ‘Global Entrepreneurship Week’. Tema di e tayer ta ‘Invershon den Mehorashon’, Guia kon pa hasi bo negoshi efisiente i sostenibel.

Radio Live 99.9 FM a invitá algun empleado di MCB pa duna un splikashon kiko ta bai tin. Lily-Ann Domacassé a menshoná ku “Ya ta un tradishon kaminda tur aña MCB ta organisá i duna su aporte, pues duna bek na  empresarionan. E aña aki ta trata di invershon den Mehorashon. Nos ta bai papia entre otro riba e parti di seguridat pa negoshi, ‘Online Banking’ pa negoshi i tambe tokante mashin di ‘Swaip’, i e importansia pa atendé ménos ku plaka kèsh. Kon pa operá un negoshi mas bèrdè. Despues a papia Kelian Prinsen i el a elaborá riba e parti di seguridat. El a bisa ku esaki ta hopi importante i ta notabel ku hopi hende ta atendé ku sèn kèsh loke mester kambia i hasi ménos uso di sèn kèsh. Hopi hende ta hasi uso di sèn kèsh, debí ku e ta un kustumber. No solamente e sèn ta pone ku interes pa ladronisia òf atrako ta un problema, sinembargo ta tuma hopi tempu pa atendé ku e sèn kèsh, loke ta mihó pa hasié fásil pa atministrashon di un empresario su negoshi. Seguidamente a papia Anthony Ignacio kende na su turno a menshoná ku pa lanta i manehá un kompania no ta fásil. E ta rekerí hopi gastu. Nos a tuma nota ku empresario no ta tene kuenta ku uso mas konsiente. Durante e tayer ta bai laga un persona di WEB NV duna un splikashon riba diferente forma kon pa funshoná i gasta ménos koriente.

E tayer grátis ta tuma lugá 20 di novèmber di 7’or pa 9’or di anochi na Captain Don’s Habitat Conferance Room. Pa inskribí por tuma kontakto na number di telefon 715-5537 òf pa medio di Facebook page di MCB Bonaire Events.       

Share This
error: Content is protected !!