KRALENDIJK – Un suidadano hopi prekupá i ku ta respetá nos himno i bandera, a trese su prekupashon na mesa di redakshon di Notisia Live99. E suidadano a bisa: ”Nada kontra di adòrno di pasku, pero mester sa si na unda ta pone esakinan. Un bandera di bo isla ta algu di honor i rèspèt. Nos tur mester sa ku un palu di bandera ku su bandera di bo Pais mester wòrdu respetá sèmper i mester keda para su so riba su kurpa. Nada kontra di e adòrnonan abou riba e rotònde, eseinan no ta mishi ni ku e palu, ni e bandera’. E suidadano a sigui bisa: ‘kon por ta posibel ku nos mandatarionan por pèrmiti pa pone adòrno na nos palu di bandera, kaminda nos bandera ta waya ku tur honor. Esaki ta un bèrguensa nashonal. Nos departamentu di Protòkol ta esnan ku mester sa e reglanan di un Himno i Bandera mihó’.

E suidadano ta sugerí nos Gezaghèber Edison Rijna, pa manda kita e adòrno na e palu di bandera inmediatamente.
Esaki segun e suidadano ku ta respetá nos Himno i Bandera.

Share This
error: Content is protected !!