KRALENDIJK – Boneiru por a disfrutá tantu ayera komo awe ku bishita di dos barku krusero grandi. Ayera tabata di bishita e barku “Meinschiff” i “Silhoutte”. Awe Boneiru tin bishita di e barku “Edge” i “Crown Princess”. Den e dos dia nan aki so Boneiru a konta ku mas di 11.000 turista en total. Mirando e skema krusero ku ta saka anualmente, mañan djaweps 21 di novèmber 2019 ta bai tin un total di 3 barku di bishita den nos bahia. E promé lo yega 7’or di mainta i bandoná Boneiru 1’or di mèrdia trahando espasio pa e siguiente barku ku mester mara. Esaki sigur ta un bon ‘boost’ pa e ekonomia di Boneiru ku tur e turistanan bishitando diferente parti nan di Boneiru.

Share This
error: Content is protected !!