Kralendijk ( 19 November 2019) – Diamars ultimo 19 di November na Centro di Bario Amboina, Florida Caribbean Cruise Association (FCCA) konhuntamente ku Tourism Corporation Bonaire (TCB) i Stichting Project FORSA a organisá pa di 10 aña e “Christmas Holiday Gift Project” ku a hiba e tema e aña aki Children Right ( Derecho di Mucha).  E selekshon di muchanan a ser hasi bou di skol konhuntamente ku Stichting Project FORSA. Sra Chelendra di Forma a yama tur mucha bon bini i a gradisi  representantenan di Celebrity Cruises Silloutte i TCB ku e tremendo inisiativa di e proyekto aki i danki pa e konfiansa ku a duna Stichting Project pa organisa e evento ku asina nos por hasi mas ku 100 mucha kontentu ku un regalito. Derchlien Vrolijk Marketing Manager tambe a hiba palabra na nomber di ofisina di turismo huntu ku e asosiashon di barko krusero; FCCA ta yama bosnan tur BON BINI awe pa nos selebra huntu ku nos muchanan pa e di 10 anja konsekutivo. Nos ta yama Bon Bini tambe na e delegashon di Celebrity Silhouette ku e anja aki a tuma enkargo pa forma parti di e selebrashon ‘Holiday Gift Event’. E anja aki e tema ta ‘Derecho di Mucha’, ofisina di turismo ta para firme ku esaki i ta kere fielmente ku nos komo adulto tin e tarea pa guia i proteha nos muchanan komo ku nan ta nos futuro. Pa nan por krese sano i risibi un bon base di edukashon na kas, skol I tambe serka otro instansia manera Stichting Project.Miss Tourism Bonaire Rayshantaly Coffie tambe tabata tei presente komo invitado i a interkambia ku e muchanan i a desea nan tur kos bon na skol paso nan ta futuro di mañan.
Na nomber di ofisina di turismo; TCB, asosiashon di barko krusero; FCCA i e delegashon di Celebrity Silhouette nos ta yama DANKI i ta ekspresa nos gratitude na team kompletu di Stichting Project pa nan trabou i dedikashon na nos muchanan. Un danki di kurason ta bai na tur boluntarionan i spònsor nan ku a koopera ku e proyekto aki spesialmente na FCCA, Stichting Project FORSA, Rento Fun Sr Orlando Francisca i Tourism Corporation Bonaire ( TCB).

Riba e potrètnan adhuntu por mira parti di e aktividat aki.

Share This
error: Content is protected !!