Riba djaluna 18 di novèmber a drenta keho di kiebro den un kas situá na Kaya Jasinto. Deskonosínan a forsa un porta den banda di kas pa a drenta i a plama tur i kibra portanan di paden. No ta konosí ainda kiko tur nan a bai kuné.

Algu mas lat riba djaluna 18 di novèmber un aksidente ku un skuter a tuma lugá. Shofùr di e skuter, pa motibunan deskonosí, a kai i tabata keda di doló na su ènkel drechi. Ambulans a transporte pa hospital pa tratamentu médiko.


Riba djamars 19 di novèmber a drenta keho di kiebro den un kas situá na Kaya Macario (Cai) Sint Jago, despues di 6 or di atardi deskonosínan a drenta via e porta di patras i a bai ku entre otro dos televishon i joya.


Den oranan trempan di mainta di djárason 20 di novèmber, a tene un entrada hudisial na un kas situá den Antriol den kuadro di violashon di Lei di Arma BES. Durante di e entrada hudisial a konfiská 2 arma di kandela  ‘nep’, un kantidat chikitu di mariwana i artíkulonan ku probablemente ta prosedente di ladronisia. Tambe a detené un hòmber di inisial C.A.A. di 21 aña di edat en konekshon ku menasa.

Share This
error: Content is protected !!