Kralendijk–Djabièrnè ku a pasa 15-11-2019 tur e 12 kantidata nan kuta traha na Huisartsenpost i tambe na dokternan di kas a pasa e examen ku éxito. Huisartsenpost Boneiru a duna e verpleegkundige, doktersassistent i
traigistanan les pa 1 aña largu. Pa asina nan por yuda e dòkter di kas na aña 2020 ku e pashentnan i ja asina tambe por yuda baha e druk di e sala. Nan por hasi 15 keho riba nan mes i si tin kualke kos kuta di atenshon nan sa ki ora pa papia esaki ku e dokter di warda. 
Nos tin ku remarká ku na aña 2017 tin di nan a haña nan diploma di Triagista, nan ta den ful swing ku e update di nan mes pa asina yuda nos komunidat di Boneiru.
Un konsulta pa sostené dòkter nan di kas, loke ta e Sostenedor ta siña den e
aria mediko pa hasi diferente kehonan specifiko riba nan mes.
Tin kantidata nan ku ta verpleegkundige, doktersassistent i traigista. Nan
mester lo a pasa e eksamen di teoretika i tambe praktika.  Tur e
sostenedor nan a pasa e eksamen ku eksito. 

E eksamen nan a wordu duna door di dòkter Janelle van Holsteijn di e
kompania KOEL  di Hulanda i tambe dor di e dòkter Heleen Jelsma ku tambe ta medische directeur na huisartsenpost Boneiru. Sra. Janelle van Holsteijn tabata hopi impreshona  di e bon komunikashon ku tabata tin di e studiantenan. Esaki ta un parti hopi importante pa ora nan bai hasi e konsultanan riba nan mes ja asina nan por duna e pashentnan bon konseho i tambe kon pa sigui ku mehorashon di nan salu. Dòkter Heleen Jelsma ta hopi kontentu kon e kantidata nan hasi esfuerso grandi, apesar di trabou, famia i nan kos nan di hasi den nan bida privá,  a hasi e parti aki posibel di nan estudio. Apesar di tur e druk di trabou nan a logra si di pasa e eksamen ku éksito pa asina komo un team sostene otro.  Huntu nos a logra un meta grandioso. Awor nan ta kuminsa ku e parti di stazje kaminda e dòkter nan di kas lo guia e 12 kantidato nan pa despues laga nan
traha independiente ku e pashèntnan. 

Nan lo kore stazje na dòkternan di kas i tambe na Huisartsenpost Bonaire ku sostén di e dòkter ku ta na warda.
Despues di e stage Boneiru lo tin e sosten di e 12 Sostenedonan di dokter di
kas pa asina yuda dokter di kas ku e direfente síntoma/keho nan di pashent.

Boneiru pabien komo ku yu di tera mes a demostrá ku nos por!

Share This
error: Content is protected !!