KRALENDIJK– Fundashon Nawati ta hala atenshon di interesadonan ku ke presentá ku nan produkto òf servisio riba Dia di Nort’i Saliña, ku tin oportunidat amplio pa pone stènt. E hürdó di espasio mes ta bini i instalá su stènt. E selebrashon di e di 2 lustro di Dia di Nort’i Saliña ku lo kuminsá for di 11 or di mainta riba e tereno di deporte di e sentro di bario Nort’i Saliña. Aki tin espasio pa instalashon di sigur 20 stènt. Esakinan por ta pa aktividat di kushina, snèk, artesania, boka dushi, marshe di Pasku i di pruga, Bon Kuné i wega pa mucha. E programa di e selebrashon ta konsistí di e parti protokolar i apertura di e Sentro Bario despues di un proyekto di drecha e edifisio i tereno, parti deportivo ku torneo di futsal, dominó i biar, parti di charla ku eksposishon i presentashon di video, parti di tayer di traha garoshi ku demostrashon di kore garoshi i tambe e parti musikal ku diferente presentashon. E selebrashon ta dura te mei anochi. Via medionan sosial Nawati lo bai duna informashon amplio na públiko di e kontenido di e aktividatnan ku tin na e selebrashon di Dia di Nort’i Saliña riba e dianan promé ku e selebrashon i tambe durante di e selebrashon.

Personanan ku ta interesá pa tuma espasio pa stènt por tuma kontakto ku sra. Julisa Melaan pa nan formulario di inskripshon, tarifa i forma di pago na: Kaya Kiowa 3, tel. +599 7000326  te ku 28 di novèmber. Despues di 28 di novèmber tin oportunidat di hasi esei telefónikamente despues di 7 or di anochi òf via imeil: fundashonnawati2@outlook.com i via di e página di Facebook di Fundashon Nawati. Inskripshon ta sera 6-12-2019. Hürdó di stènt ta mara su mes na reglanan di seguridat i higiena vigente. Tambe e hürdó ta mara su mes na tene e área di su stènt limpi di tur shushi na final di e aktividat. E formulario di inskripshon ta splika tokante e forma di pago pa tuma stènt. Si tin sufisiente interes pa esaki serka hürdónan di stènt, e departamentonan di kùr stènt riba e aspekto di koriente, seguridat i higiena; ta duna un anochi di informashon i konseho riba djaluna 9-12 na Sentro Alejandro Saleh, 60+, otro banda di Sentro di Bario NdS. E departamentonan akí lo pasa kùr e stèntnan riba e aspektonan di koriente, seguridat i higiena pa duna e pèrmit final djasabra bispu di e selebrashon i tambe djadumingu mainta promé ku apertura. Sin nan pèrmit individual e aktividat den e stènt no por kontinuá.

Na nòmber di direktiva di Fundashon Nawati.
Presidente Hubert Vis. (tel. 786-6160)

Share This
error: Content is protected !!