Kralendijk—Fin di siman tras di lomba tabatin ‘Dragrace’ na Merka i di Boneiru a kompetí Fittipaldi Pietersz i el a pèrdè kontra un koredo di Aruba despues di a gana algun buèlta. Un kantidat di Arubiano tabata na Valdosta Georgia fin di siman tras di lomba, pa kompetí den e “43rd Annual FuelTech World Finals”, esaki tabata loke e naradó di kareda den toren na South Georgia Motorsports Park tabata menshoná durante e kompetensia. E tabata menshoná ku tin koredó di Aruba, Boneiru i Kòrsou, sinembargo Aruba a baha na bòshi ku mas di 35 motosaikel pa partisipá den e dragrace organisá pa “ManCup”. Aparte di esnan ku a manda nan motosaikel for di Aruba pa Merka, tabatin ku a hür un motosaikel pa e fin di siman. Tabatin koredó di Oustralia, Yapon, India, Europa, Puerto Rico, Suisa, Boneiru, Kòrsou, Aruba i diferente drèkdo di kontinente merikano, repartí den diferente kategoria. Djasabra áwaseru a kai i a kanselá klasifikashon i algun buèlta di kareda. Djadumingu tur kos a kuminsá segun e skema di e dia, despues di misa. Fittipaldi Pietersz a gana algun buèlta ganando entre otro koredó di Merka i India. Debí na e temperatura abou ku tabatin djadumingu, a stòp e kareda i kontinuá djaluna mainta. Den e promé buèlta Fittipaldi a kai vensí kontra Aruba. E ta yama danki na Napa Auto Parts i R&l Exporting pa e bon koperashon di semper. Pa medio di nan Fittipaldi ta representá Boneiru den eksterior. Awor ta fin di kompetensianan di dragrace pa 2019 i 2020 ku poder di Dios e ta kontinuá i ku atenshon i dedikashon na loke ta rekerí atenshon pa mihó resultado, Fittipaldi a menshoná

????????????????????????????????????
Share This
error: Content is protected !!