KRALENDIJK –Djabièrnè último a klousura un kurso ku a tuma lugá durante un siman. Ta trata di un treinen di músika personalisá pa hendenan ku tin entre otro Demensia. Tres persona tabata na Boneiru for di Kòrsou pa duna e treinen spesial durante un siman. Promé ku a presentá esnan kende a pasa e treinen ku éksito a dirigí palabra Evert Piar kende ta presidente di Fundashon Alzheimer.  Henna Winklaar vise presidente di e fundashon a konta Radio Live 99.9 FM ku 6 diferente instansia a tuma parti na e treinen spesial. Promé dia a inisiá e treinen ku un pelíkula kon músika por motivá hende ku ta sufri e malesa Demensia. E treinen tabata hopi amplio kaminda a duna entre otro kon pa atendé ku un persona ku desensia na kas i den un instituto spesial manera entre otro kas di kuido di Fundashon Mariadal entre otro Winklaar a menshoná. Karen Wouters – Project manager, Marjon Roos- muziektherapeut i Jet Thoonen – direktor kas hugenholtz sentro pa Demensia, tabata esnan kende a bini for di Kòrsou pa duna e kurso. Nan reakshon tabata ku e hendenan di Boneiru ku a partisipá na e treinen a duna tur atenshon pa kapta tur posibel i asina nan tin e abilidat pa yuda i guia un persona ku Demensia.

Share This
error: Content is protected !!