KRALENDIJK – Diferente outomobilista desgustá pa e forma ku ta atendé bendementu di gasolin riba nos isla. Un desaster. No tin otro palabra. Si no ta esaki ta e otro. For di ayera mèrdia pòmp di gasolin ‘Bonaco’ tabata será ku tur probabilidat gasolin a kaba. Atardi lat a kontinuá ku e pòmp di gasolin ‘Gas Ekspres’ i poko mas lat esun na Mentor. E outomobilistá nan a sigui menshoná ku no ta promé bia, sino e situashon aki ku regularidat e ta sosodé. Sea e pòmp a daña, gasolin a kaba den tanki, òf e aparato pa swaip ta daña. E aparato ku tin na algun di e pòmp di gasolin ‘Fuel Up’ di MCB ta otro storia. E propagandanan ta bunita, sinembargo e realidat ta diferente. Un di e outomobilistanan a menshoná ku na Rincon e pòmp di gasolin tabata será i el a opta pa bin playa pa haña e sorpresa ku no tin gasolin niun kaminda. El a purba regresá Rincon i e outo a keda na mitar kaminda. Esaki tabata algun di e remarkenan, ku diferente persona ku a yega na pòmp di gasolin na ‘Mentor’, i a purba pa saka gasolin usando e aparato di MCB ‘Fuel up’, sin resultado. Hendenan tabata hopi desgustá. 

Potrèt ta ilustrá algun di e kantidat di persona ku a presentá na e sitio. 

Share This
error: Content is protected !!