KRALENDIJK—Holó insoportabel ta yega na kas di un famia i nan ta hopi kansa di e situashon. E famia a tuma e desishon pa bai prensa ku loke ta pasando, pa esnan konserní atendé e situashon. Ta trata di e edifisio situá na e skina di kaya Gen. C.M. Piar i kaya Libertador Simon Bolivar. E señora ku ta besiña di e edifisio a bisa ku el a papia ku hendenan di Hygienische dienst, sinembargo nada a sosodé. Pa un òf otro motibu nan no a aktua pa drecha e situashon. Un reportero di radio Live 99.9 FM a papia ku un persona ku ta atendé ku negoshi den bisindario i el a splika ku e problema ta ku regularidat outo ta trapa riba tapa ku tin na e lugá di stashoná vehíkulo  pega ku e edifisio, loke ta kousa e problema, kaminda e awa di pos ta sali i huntu kuné e holó. Nan tin tur atenshon pa e situashon i ta bai atendé pa esaki no ripití. Potrèt ta duna un bista di e tapa di e pos ku ta kibra i bèrdat ta manda un holó desagradabel den e área.   

Share This
error: Content is protected !!