KRALENDIJK —Wilson Frans kende no mester di hopi introdukshon ta kla pa festival di Tumba 2020. Algun dia pasa un reportero di Radio Live 99.9 FM a topa Frans, kende ta bon konosí pa entre otro e tumba ku el a kanta na Kòrsou yamá: ‘E barku’. Frans a menshoná ku e tin un tumba práktikamente kla pa 2020. “Ta kuestion di algun rekisito i ta kla,” Frans a bisa,  kende ta eks Rei di tumba di Kòrsou i Boneiru. For di awor e ta manda mensahe pa tur fanátiko, pa nan ta prepará, pasobra e lo no spar niun energia pa e trese un tremendo produkto pa karnaval. “Bin na Bòshi pa animá e anochi di e festival di tumba 2020. Kos ta bai sosodé,”el a terminá bisando. Riba potrèt Frans i señora durante aktividat di Marshe Navidejo  den Parke Lalan Baldomero Leandro Clarenda.

Share This
error: Content is protected !!