KRALENDIJK – Djarason mèrdia algu promé ku 2’or, un aksidente di tráfiko a tuma lugá na altura di aeropuerto Flamingo. Un dama manehando un jeep di famia pa motibunan ainda deskonosí a pèrdè kontròl i bòltu e vehíkulo. E dama a sali ileso for di e vehíkulo sinembargo tabata hopi spantá. Outoridatnan polisial ku a presentá na e sitio a sera un parti di kaya Internashonal mirando ku e vehíkulo tabata bentá mei mei di kaminda. A pidi presensia di ambulans na e sitio pa un chekeo médiko di e dama. Departamentu di tráfiko lo kondusí un investigashon.


Share This
error: Content is protected !!