KRALENDIJK – Sanikolas i su Pitnan a bishitá diferente skol básiko ayera mainta, bispu di fecha natal di e hòmber Santu. Entre otro nan a bishitá Skol Amplio Papa Cornes. Un kantidat di mucha tabata presente bou di “Bongo” pa topa ku e hòmber bieu i barba largu. Un ambiente total a reina na e sitio den kura di skol. Kantamentu, baliamentu i show tabata tur loke a sosodé e mainta. Ayera tabata e dia importante pa pone sapatu ku yerba pa e Pitnan pasa pone regalo i bai ku e yerba komo muestra di apresio pa e kabai di Sanikolas. E kabai ku nunka no ta kansa.

Kombinashon di potrèt ta ilustrá parti di e aktividat na e skol.

Share This
error: Content is protected !!